2011年11月09日
主持：蕭若元,靳民知,Mark,馬草泥,一樹
一個集集聽蕭生既cd-rom既心聲
小弟係一個cd-rom, 好少出聲, 不過聽完琴日既蕭生節目, 真係有野好想講
首先, 今次區選, 係徹底失敗, 唔係講議席, 係講人數, 大部份得票都唔多過500, 當然冇地區實積係關鍵, 但亦同時睇到人網既coverage根本係好少, 蕭生琴日仲話下年立法局有幾多席, 唔好玩啦, 乜真係認為求其搵條友去選都會嬴???
新一代中, 醫生就膠到冇朋友, 日日係facebook J 就以為自己好多人支持, 又講埋晒d膠論, 馬仔有知名度但論述欠奉, 形象差, 主席就同馬仔相反, 論述好但冇知名度, 雨陽太貴公子feel, ceo算係最好, 但都真係差少少, 蕭生唔係諗住掛人民力量/人網個名, 佢地可以選到呀?? 會唔會太大言不慚呢???
對於人民力量既走向, 小弟也想講幾句, 大舊得300票己經反映香港人唔buy呢一套, 公義冇錯係要伸張但人民力量真係要定返個方向, 外傭事件已係一例, 一句講晒支持維護司法獨立反對釋法已經講完, 又要講到香港人歧視, 反過來話香港人, 好似皇上既立埸其實己經足夠 ,定一個切實既目標, 唔好成日side track晒d議題啦
蕭生同毓民以樹敵為樂既性格, 其實都係一個失敗既原因, 社記分裂, 以一個民主既投票d黨員撐阿陶多, 輸左離開咪好囉, 何必日吊夜吊, 蕭生都講過, 要將反對政改既團結一政, 但有毓民就做唔到呢件事, 有時為左一個更大既目標, 有d私怨係要放低, 當然肥佬黎既唔駛講, 冇空間讓步, 但其他人, 何必樹敵為樂呢? 蕭生收購高登, 冇所謂, 但又駛唔駛財大氣粗叫d小朋友夾錢, 笑d小朋友俾唔起錢呢??? 搞到更多人憎人民力量呢??? 當然, 人民力量同蕭生冇關係, 整死佢都冇話唔得, 但有心支持既就唔好咁啦, 一次高登事件蕭生你拎多幾M出黎搞早晨節目都補唔返
另外也為其他網友講幾句, 毓民版主亂ban人係人都知, 蕭生一句0個度係獨立版區就唔理, 毓民又話唔關我事, 你地兩個係咁就唔該你地唔好話長毛唔理佢d手下唱衰毓民, 係黃毓民政評亂ban人你毓民唔出聲就等於長毛話自已無權管自已d下屬一樣, 不負責任, 人網管理也是一樣
星期一同d經理食飯, 講到選舉, 佢講左一句幾有趣既說話, 如果有人有董健華既胸襟, 梁錦松既組織力, 黃毓民既感染力, 咁香港就會有希望有民主, 也許係一種幻想, 但我也期望會有這一個人出現
ps. 如果大家認為我係5毛既, 請自便, 我阻唔到你地j, 但如果連呢個post都要俾人move去唔知邊到, 咁人網一眾管理層, 真係........
沒有留言:
發佈留言